Urut sir bisa laksana,
duriat ngajadi aing,
iradatna jeung keung kudratna,
panarik suhuding ati,
buktina aing ngabdi,
nuturkeun galur nu tujuh,
galur urut nanyaan,
sir hurip boga pangarti,
jakalola turunan kamanusaan.
Mawa modal dua rupa,
sahiji modal rohani,
nu dikalangkangan raga,
kadua modal jasmani,
geusaneun wara-wiri,
sakitu pangadeg tangtung,
rohani kabatinan,
jasmani nu jadi lahir,
kahahiran kalangkang ti kabatinan.
(Bersambung)
http://manuskripkesunyian.wordpress.com